CHALANERU

Chalaneru, chalaneru,
¿qué lleves en la chalana?
«Llevo roses y claveles
y el corazón d'una xana».

Si pases el puente
nun caigas al agua,
que los mios amores
son de la chalana.

Son de la chalana, son,
son del pueblín chalaneru,
que si la chalana muerre
Llaviana perdida ye.

Si pases el puente
nun caigas al agua,
que los mios amores
son de la chalana.

Ena fonte la Nalona
hay una xana llorando
per que diz que nun la quieren
los rapacinos d'Entralgo.

Si pases el puente
nun caigas al agua,
que los mios amores
son de la chalana.